Ganapati Atharvashirsha
गणपति अथर्वशीर्ष
ॐ नमस्ते गणपतये ॥१॥
त्वमेव प्रत्यक्षं तत्त्वमसि ।
त्वमेव केवलं कर्ताऽसि ।
त्वमेव केवलं धर्ताऽसि ।
त्वमेव केवलं हर्ताऽसि ।
त्वमेव सर्वं खल्विदं ब्रह्मासि ।
त्वं साक्षादात्माऽसि नित्यम् ॥२॥
ऋतं वच्मि । सत्यं वच्मि ॥३॥
अव त्वं माम् ।
अव वक्तारम् । अव श्रोतारम् ।
अव दातारम् ।अव धातारम् ।
अवानूचानमव शिष्यम् ।
अव पश्चात्तात् । अव पुरस्तात् ।
अवोत्तरात्तात् । अव दक्षिणात्तात् ।
अव चोर्ध्वात्तात् । अवाधरात्तात् ।
सर्वतो मां पाहि पाहि समन्तात् ॥४॥
त्वं वाङ्मयस्त्वं चिन्मयः ।
त्वमानन्दमयस्त्वं ब्रह्ममयः ।
त्वं सच्चिदानन्दाऽद्वितीयोऽसि ।
त्वं प्रत्यक्षं ब्रह्मासि ।
त्वं ज्ञानमयो विज्ञानमयोऽसि ॥५॥
सर्वं जगदिदं त्वत्तो जायते ।सर्वं जगदिदं त्वत्तस्तिष्ठति ।
सर्वं जगदिदं त्वयि लयमेष्यति । सर्वं जगदिदं त्वयि प्रत्येति ।
त्वं भूमिरापोऽनलोऽनिलो नभः । त्वं चत्वारि वाक् पदानि ।
त्वं गुणत्रयातीतः । त्वं अवस्थात्रयातीतः ।
त्वं देहत्रयातीतः । त्वं कालत्रयातीतः ।
त्वं मूलाधारस्थितोऽसि नित्यम् । त्वं शक्तित्रयात्मकः । त्वां योगिनो ध्यायन्ति नित्यम् ।
त्वं ब्रह्मा त्वं विष्णुस्त्वंरुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं
ब्रह्म भूर्भुवस्सुवरोम् ॥६॥
गणादिं पूर्वमुच्चार्य वर्णादींस्तदनन्तरम् ।
अनुस्वारः परतरः । अर्धेन्दुलसितम् ।
तारेण ऋद्धम् । एतत्तव मनुस्वरूपम् ॥७॥
गकारः पूर्वरूपम् । अकारो मध्यरूपम् ।
अनुस्वारश्चान्त्यरूपम् । बिन्दुरुत्तररूपम् ।
नादस्संधानम् । सग्ंहिता संधिः ॥८॥
सैषा गणेशविद्या । गणक ऋषिः ।
निचृद्गायत्रीच्छन्दः । गणपतिर्देवता ।
ॐ गं गणपतये नमः ॥९॥
एकदन्ताय विद्महे वक्रतुण्डाय धीमहि ।
तन्नो दन्तिः प्रचोदयात् ॥१०॥
एकदन्तं चतुर्हस्तं पाशमङ्कुशधारिणम् ।
रदं च वरदं हस्तैर्बिभ्राणं मूषकध्वजम् ॥
रक्तं लम्बोदरं शूर्पकर्णकं रक्तवाससम् ।
रक्तगन्धानुलिप्ताङ्गं रक्तपुष्पैस्सुपूजितम् ॥
भक्तानुकम्पिनं देवं जगत्कारणमच्युतम् ।
आविर्भूतं च सृष्ट्यादौ प्रकृतेः पुरुषात्परम् ।
एवं ध्यायति यो नित्यं स योगी योगिनां वरः ॥११॥
नमो व्रातपतये । नमो गणपतये ।
नमः प्रमथपतये । नमस्तेऽस्तु लम्बोदरायैकदन्ताय
विघ्ननाशिने शिवसुताय वरदमूर्तये नमः ॥१२॥
Ganapati Atharvashirsha
Om Namas-Te Gannapataye ||1||
Tvam-Eva Pratyakssam Tattva masi |
Tvam-Eva Kevalam Kartaa-si |
Tvam-Eva Kevalam Dhartaa-si |
Tvam-Eva Kevalam Hartaa-si |
Tvam-Eva Sarvam Khalv-Idam Brahma-Asi |
Tvam Saakssaad-Aatmaa-[A]si Nityam ||2||
Rtam Vacmi | Satyam Vacmi ||3||
Ava Tvam Maam | Ava Vaktaaram |
Ava Shrotaaram | Ava Daataaram |
Ava Dhaataaram | Ava-Anuucaanam-Ava Shissyam |
Ava Pashcaattaat |Ava Purastaat |
Avo[a-U]ttaraattaat |Ava Dakssinnaattaat |
Ava Chorr dhvaattaat | Ava-Adharaattaat |
Sarvato Maam Paahi Paahi Samantaat ||4||
Tvam Vaangmayas-Tvam Cinmayah |
Tvam-Aanandamayas-Tvam Brahmamayah |
Tvam Saccidaanandaa-dvitiiyo-[A]si |
Tvam Pratyakssam Brahma-Asi |
Tvam Jnyaanamayo Vijnyaanamayo-[A]si ||5||
Sarvam Jagad-Idam Tvatto Jaayate | Sarvam Jagad-Idam Tvattas-Tisstthati |
Sarvam Jagad-Idam Tvayi Layamessyati | Sarvam Jagad-Idam Tvayi Pratyeti |
Tvam Bhuumir-Aapo-nalo-nilo Nabhah | Tvam Catvaari Vaak Padaani |
Tvam Gunna-Traya-Atiitah | Tvam Avasthaa-Traya-Atiitah |
Tvam Deha-Traya-Atiitah | Tvam Kaala-Traya-Atiitah |
Tvam Muulaadhaara-Sthito-si Nityam |Tvam Shakti-Trayaatmakah |Tvaam Yogino Dhyaayanti Nityam |
Tvam Brahmaa Tvam Vissnnus-Tvam Rudras-Tvam-Indras-Tvam-Agnis-Tvam Vaayus-Tvam Suuryas-Tvam Candramaas-Tvam Brahma Bhuur-Bhuvas-Suvar-Om ||6||
Ganna-adim Puurvam-Uccaarya Varnna-adiim stad-Anantaram |
Anusvaarah Paratarah | ArdhenduLasitam |
Taarenna Rddham | Etat-Tava Manu-Svaruupam ||7||
Ga-kaarah Puurva-Ruupam | A-kaaro Madhya-Ruupam |
Anusvaarash-Cha-Antya-Ruupam | Bindur-Uttara-Ruupam |
Naadah-Samdhaanam |Saghu hitaa Samdhih ||8||
Sai[a-E]ssaa Gannesha-Vidyaa | Gannaka Rssih |
Nicrdgaayatriic-Chandah | Gannapatir-Devataa |
Om Gam Gannapataye Namah ||9||
Eka-Dantaaya Vidmahe Vakra-Tunnddaaya Dhiimahi |
Tan-No Dantih Pracodayaat ||10||
Eka-Dantam Catur-Hastam Paasham-Angkusha-Dhaarinnam |
Radam Ca Vara-Dam Hastair-Bibhraannam Muussaka-Dhvajam ||
Raktam Lambo[a-U]daram Shuurpa-Karnnakam Rakta-Vaasasam |
Rakta-Gandha-Anulipta-Anggam Rakta-Pusspais-Supuujitam ||
Bhakta-Anukampinam Devam Jagat-Kaarannam-Acyutam |
Aavirbhuutam Ca Srssttya[i-A]adau Prakrteh Purussaat-Param |
Evam Dhyaayati Yo Nityam Sa Yogii Yoginaam Varah ||11||
Namo Vraata-Pataye | Namo Ganna-Pataye |
Namah Pramatha-Pataye | Namas-Te-astu Lambodaraaya eka-Dantaaya
Vighna-Naashine Shiva-Sutaaya Varada-Muurtaye Namah ||12||